北投的四季 簡上仁詞曲
北投的春天 有草山的花香味
樹青花紅好景緻 談情說愛好時機
北投的春天 摻有娶新娘的喜氣
北投的夏天 有熱情的日頭味
樹頂鳥隻唸歌詩 樹腳阿伯在行棋
北投的夏天 山墘也飛來白鷺鷥
北投的秋天 有親切的人情味
親像天頂月娘圓 男女老幼相扶持
北投的秋天 摻有中秋月餅的香甜
北投的冬天 有溫暖的磺水味
無論日時抑暗暝 外來人客來來去去
北投的冬天 摻有那卡西的KI MO CHI
溫泉鄉的吉他 原主唱:郭金發
彈彼條悲情戀歌 流浪到這位
月娘已經浮上山 伴阮塊吐氣 啊 啊
初戀彼個人 你因何即絕情 默默來離開
吉他愈彈愈來 流出傷心淚
溫泉鄉白色煙霧 一直滾上天
閃熾燈光含帶情 動阮心纏綿 啊 啊
想起彼當時 咱也來洗溫泉 快樂過一暝
今夜孤單又來 叫著你名字
站樓窗懷念彼暝 吉他彈無停
月娘猶原心茫茫 替阮抱不平 啊 啊
到底為誰人 阮今日來流浪
看破了愛情 蟲聲引阮思鄉 珠淚滴胸前
沒有留言:
張貼留言